ആരാണ് നീ ? ===========
മഹാരോദനങ്ങള് വലയം പ്രാപിച്ച
അഴലിന്റെ ആഴങ്ങളില് ,
തകരുന്ന സ്വരൂപത്തെ നോക്കി
വിലപിച്ചു കൊണ്ടിരുന്നെന്നെ,
ആരുമറിയാതെ നെഞ്ചോട് ചേര്ത്തു
അനേകായിരം ചുംബനങ്ങള്
പുഷ്പങ്ങളായി വാരിവിതറിയ -
നീ എനിക്കാരാണ് ?
ആത്മാവില് പെയ്തിറങ്ങിയ
കുളിര്മഴയോ?
നൊമ്പരങ്ങള്ക്കിടയില് പാടിയ
ശംഖുനാദമോ?
തപസ്സിനിടയില് വന്ന മഴവില്ലോ?
ഓര്മ്മകള് കൂട്ടി തീര്ത്ത നക്ഷത്ര-
ഗോപുരവാതിലില് വാക്കുകള്
നെയ്ത കവിതകുഞ്ഞുങ്ങളോ ?
വര്ണ്ണങ്ങള് നിറഞ്ഞൊരു
സ്നേഹത്തിന് വേരുകളാല്
പടരുന്ന പരിമളത്തില്
പുണര്ന്നെന്നെ പ്രണയത്തിന്
തടവറയിലാക്കിയില്ലേ.....<3
No comments:
Post a Comment